अजब ई देहक संरचना अई
मैट पैन स बनल
मुदा !
संतुलनेटा में जीवन अई
थोड़बे असंतुलन स
पुनः
मैट पैन स
अलग भै जैत अई
जीवन जड़ संग बिना
देह ख़त्म भै जैत अई
बड़ा कठिन अई
देहक संतुलन के बनौनाई
आ देह के बचा क रैख पौनाई
हर छन देहक प्रकृति बदलैत छैक
संतुलन असंतुलन के क्रम चलैत छैक
मैट के पैन स
पैन के मैट स
जुड़नाई बिछरनाई
चलैत रहैत छैक
देहक निर्माण
आ देहक अबसान
संतुलन आ असंतुलन के खेल छैक
No comments:
Post a Comment